Scholarship

  1. ທຶນ MEXT-ASJA ແມ່ນຫຍັງ?

ເປັນທຶນການສຶກສາຂອງກະຊວງສຶກສາທິການຍີ່ປຸ່ນ (MEXT) ແຕ່ມອບໃຫ້ Asia Japan Alumni ASJA(*) International ເພື່ອມອບສະເພາະໃຫ້ກັບບັນດາປະເທດສະມາຊິກຂອງ ASEAN Council of Japan Alumni (ASCOJA) (**). ຈຸດປະສົງຂອງການໃຫ້ທຶນ MEXT-ASJA ແມ່ນເພື່ອໃຫ້ນັກສຶກສາທີ່ໄດ້ຮັບທຶນນີ້ ໄດ້ຮຽນຮູ້ພາສາ ແລະ ວັດທະນະທໍາຍີ່ປຸ່ນ ພ້ອມກັບທັກສະຕ່າງໆໃນການເປັນຜູ້ນຳ ເພື່ອເມື່ອໄດ້ກັບໄປປະເທດຕົນເອງ ຈະມີຄວາມສາມາດເປັນຜູ້ນຳ ແລະ ພັດທະນາປະເທດຂອງຕົວໃຫ້ໄດ້

ເປັນຫຍັງ ສະມາຄົມອະດີດນັກສຶກສາລາວຈາກຍີ່ປຸ່ນ (ສອລຍ) ຈິ່ງໄດ້ຮັບທຶນ MEXT-ASJA ?

ເນື່ອງຈາກວ່າ ສອລຍ ໄດ້ເຂົ້າເປັນສະມາຊິກຂອງ ASCOJA ຢ່າງເປັນທາງການ ໃນປີ 2012.

ທຶນ MEXT-ASJA ມີທຶນລະດັບໃດແດ່ ?

ທຶນຄົ້ນຄວ້າ (ປີລະ 2 ທຶນ)    ແລະ ທຶນປະລິນຍາຕີ (ປີລະ 1 ທຶນ)

ທຶນ MEXT-ASJA ແຕກຕ່າງກັບທຶນ MEXT ທົ່ວໄປ ຄືແນວໃດ ?

  • ການສະໝັກ ແລະ ຄັດເລືອກ:

ສອລຍ ເປັນຜູ້ປະກາດ ແລະ ຄັດເລືອກຜູ້ສະໝັກທຶນ MEXT-ASJA ໃນເບື້ອງຕົ້ນ. ຈາກນັ້ນ ຈະສົ່ງລາຍຊື່ຜູ້ຜ່ານການຄັດເລືອກໃຫ້ກັບໜ່ວຍງານຮັບຜິດຊອບໃນສະຖານທູດຍີປຸ່ນປະຈຳ ສປປ ລາວ. ຜູ້ທີ່ຜ່ານການຄັດເລືອກຈາກ ສອລຍ ຈະຕ້ອງໄດ້ເຂົ້າຮ່ວມການສອບເສັງຂຽນ ແລະ ສຳພາດ ພ້ອມກັນກັບຜູ້ສະໝັກທຶນ MEXT ທົ່ວໄປ. ຜູ້ທີຜ່ານການສອບເສັງຈາກສະຖານທູດຍີ່ປຸ່ນເທົ່ານັ້ນ ຈຶ່ງສາມາດໄດ້ຮັບທຶນ MEXT-ASJA.

ຜູ້ທີ່ສະໝັກທຶນ MEXT-ASJA ແຕ່ບໍ່ໄດ້ຮັບການເໜີຊື່ຈາກ ສອລຍ ກໍ່ກາຍເປັນການສະໝັກທຶນ MEXT ໂດຍທົ່ວໄປ ໂດຍອັດຕະໂນມັດ

  • ບູລິມະສິດພິເສດຂອງນັກສຶກສາທຶນ MEXT-ASJA:

ຜູ້ທີ່ໄດ້ຮັບທຶນ MEXT-ASJA ຈະໄດ້ຮັບສິດທິພິເສດໃນການເຂົ້າຮ່ວມກິດຈະກໍາຕ່າງໆ ເພື່ອ ຮຽນຮູ້ ແລະ ແລກປ່ຽນວັດທະນະທຳ ທີ່ຈັດໂດຍ ASJA ຕະຫລອດໄລຍະເວລາທີ່ໄດ້ຮັບທຶນ MEXT-ASJA. ນອກຈາກນັ້ນ ASJA ຍັງຈ່າຍຄ່າສອບເສັງວັດແທກລະດັບພາສາຍີ່ປຸ່ນ (日本語能力試験) ໃຫ້ນັກສຶກສາທຶນ MEXT-ASJA ປີລະ 1 ຄັ້ງ ເຊິ່ງມີມູນຄ່າປະມານ 5,500 ເຢນ.

ຜູ້ທີ່ໄດ້ຮັບທຶນ MEXT-ASJA:

  • ປີ 2013

ທຶນຄົ້ນຄວ້າ:

ທ້າວ ໄຊຊະນະ ໂກສານຸວົງ (ສະມາຊິກ ສອລຍ)

  • ປີ 2014

ທຶນຄົ້ນຄວ້າ:

ທ້າວ ສຸລິເດດ ແສງມະນີ (ສະມາຊິກ ສອລຍ)

ນາງ ພອນມີນາ ວັນນະໂສພາ

  • ປີ 2015

ທຶນຄົ້ນຄວ້າ:

ທ້າວ ສຸກວິສັນ ຄິ່ນສະໝອນ (ສະມາຊິກ ສອລຍ)

ນາງ ພຸດສະດາ ຈອນເພັດສະລາດ (ສະມາຊິກ ສອລຍ)

ທຶນປະລິນຍາຕີ:

ນາງ ພອນສະຫວັນ ຈິດຕະວົງ (ລູກສາວຂອງ ສະມາຊິກ ສອລຍ)

(*) & (**) ເບິ່ງຂໍ້ມູນເພີ່ມເຕີມກ່ຽວກັບ ASJA & ASCOJA ໄດ້ໃນເວບໄຊ້ຂອງ ສອລຍ

Leave a Reply